حنان

من فيلم الآخر
حنان: يوه! كبار! كبار! طب احنا حانكبر إمتى وإزاي؟!

من فيلم الآخر
آدم: لو لمست إيدك، تزعلي؟
حنان: حاجيبلك البوليس يعني؟!

من فيلم الآخر
آدم: (عن شِعر صلاح جاهين) "على اسم مصر التاريخ يقدر يقول ما شاء. أنا مصر عندي أحب وأجمل الأشياء. بحبها بعنف وبرقة وعلى استحياء".
حنان: واكرهها وألعن أبوها بعشق زي الداء.
لآدم: واسيبها واطفش في درب وتبقى هي ف درب.
حنان: وتلتفت تلاقيني جنبها في الكرب.

من فيلم الآخر
آدم: (بعدما يقبِّل حنان) لو ماعملتش كده، كان حايجيلي إحباط.
حنان: لو ماعملتش كده تاني، أنا حايجيلي إحباط.

من فيلم الآخر
حنان: معلش، من حقك تزعل شوية. آدم، في البيت مستعدة أبوس تراب رجليك، بس في الحياة لازم يكون ليَّ موقف، كيان.. وإلا حاتكون حوِّلتني للعبة الأستاذ، جارية، يتمتَّع بيها وقت ما هو عايز، ويرميها وقت ما هو عايز. كنت أتمنى تحترم عقلي.
آدم: عقلك ده زبالة! إيه مزاجك في إنك تفضحي الناس؟!
حنان: الفساد يخلِّي أي إنسان يثور! أدينا أحنا أهو، اتنين عايشين في مليون متر مربع، والتانيين بيناموا ستة على سرير واحد! ولّا لازم الناس توصل للقتل والإرهاب عشان تحسُّوا بيهم؟!