زهرة

من فيلم نحن لا.. نزرع الشوك
زهرة: هي بسلامتها لسة عاملالي عروسة ونايمة لحد الضهر؟! قومي يا تفيدة صحِّيها!

من فيلم نحن لا.. نزرع الشوك
زهرة: إخيه! التقلية شايطة، والأكل ناقص ملح! هو ده السم الهاري اللي حاتوكليه للمعدول جوزِك؟! لكن الحق مش عليكي! الحق ع اللي آويكي في بيته! مابترديش ليه يا بِت؟! هاه؟! اتخرستي خلاص؟! ماحدش مالي عينك في البيت ده يا بت إنتي؟! (تلقي سيدة الحلة على الأرض) يا لهوتي! الولية رميت الحلة السخنة بتغلي عليَّ، عايزة تحرقني! يا دهوتي! (تتوجه لابنها) أنا خلاص يا ابني، مابقاليش عيش في البيت ده أبدًا!
علام: ليه يا أمَّا؟!
زهرة: يا ابني دي بهدلتني وضربتني وشتمتني ولمت علي الجيران يا ابني!
علام: حقك علي يا أمَّا.
زهرة: دي حرقت الطبيخ يا ابني!
علام: معلش يا أمَّا.
زهرة: وكسرت يا ابني إزاز النشوق يا ابني كات عايزاه يكسر نافوخي!
علام: بعد الشر عليكي يا أمَّا.
زهرة: يا ابني دي كسرت كمان إزازتين مِش.
علام: كفاية بقى يا أمَّا كسرتي دماغي!
زهرة: يا عيني! يا عيني على بختك يا زُهرة!