من فيلم ليلة القبض على فاطمة
سيد لفاطمة: عليَّ النعمة إنتي أجنّ من موج البحر.. بس أحن منه.

من فيلم شباب امرأة
إمام: إذا كان كده معلش.
شفاعات: ماهو كده، أمّال أنت فاكر إيه؟

من فيلم شباب امرأة
إمام: يا سلام يا ولاد، أتاري الحب لذيذ..
شفاعات: مش كل الحب، حبي أنا بس. تحب غيري أكلك! أنا شرَّانية وأغير من هدومي.
إمام: وهو أنا، عينيَّ تجدر تبص لحد غيرك؟!
شفاعات: أحب عينيك.. يخرب بيت عينيك.

من فيلم الزوجة الثانية
الشيخ مبروك: أنا مش حذَّرتك؟ أديك قولت للمركز، خَد بكلامك؟ ماتعصلجش يا أبو العلا.. انطاع يا ابني.. داحنا غلابة.. والله لما ندَّن على مدنى ماحد يسمعنا.. الأكابر بس هما اللي بيتسمع كلامهم.. هما اللي يأمروا، واحنا اللي ننفذ.. وأطيعوا الله..-.
أبو العلا: - يا راجل يا كافر! يا عديم الدين!

من فيلم الزوجة الثانية
أبو العلا: إيه الكلام ده يا عمدة؟
عتمان: ده مش كلام يا أبو العلا.. ده أمر!
أبو العلا: في شرع مين؟!
مبروك: "وأطيعوا الله وأطيعوا الرسول وأولي الأمر منكم".
أبو العلا: آني أطلق مرتي!! ليه؟!