حمدي: تبارَك الله فيما خلق.. القمر نزل من السما وبقى من نصيبي.
بدرية: كلامك عسل، والعيشة معاك عسل، وأنا باحب العسل يا عسل.

مجدي: الناس مابقاش عندها ذوق، حد يعرض الأكل كده في نص الشارع؟!

مجدي: ليه بتكذبي؟! أنا سامعك بودني!
سامية: تبقى سمعت غلط.
مجدي: لازم الواحد يسجل كل كلمة بتنطقي بيها عشان ماترجعيش تغيري في الكلام اللي قولتيه.

حمدي: ماتقوليش "سمس"، قولي "شمس"، بالشين.
سيدو: سَمسون؟

حمدي: إذا سقطت في الحساب، يبقى حاسقط الامتحان كله.
محمد السمادوني: ولا يهمك.
حمدي: يعني مش حاخد "الكفاءة".
محمد السمادوني: تعمل إيه بالكفاءة؟! تلات تربع اللي واخدين كفاءة بدون كفاءة!
حمدي: أصل إذا ماخدتش الكفاءة يبقى مش حاخد "البكالوريا".
محمد السمادوني: بكالوريا؟! وأنت عايز البكالوريا تعمل بيها إيه؟!
حمدي: عشان آخد "الليسانس".
محمد السمادوني: ليسانس؟! نص حمير البلد واخدين ليسانس، ولسَّاهُم حمير.
حمدي: يعني بالعربي، أسقط!
محمد السمادوني: ولا يهمك. يوم ما تسقط ليك عندي مكافأة عظيمة، فُسحة هايلة، بدل سقوط.
حمدي: طب وإذا نجحت يا بابا؟
محمد السمادوني: لا، يبقى كفاية عليك فرحة النجاح.

حمدي: لو خدت الكفاءة، سنتين، آخد البكالوريا، وأدخل الجامعة.
سيدة: هي لسة فيها بكاروريا؟

حمدي: أنا أعرف أعلمك إزاي.
سيدة: وتخليني أقول "سمس" زي ما بتقولوها؟
حمدي: حاخليكي تقولي "شمس" و"قمر" و"نجوم".. روحي إنتي نامي.
سيدة: هو بقى فيها نوم؟ ماطلعت.
حمدي: هي إيه اللي طلعت؟
سيدة: إيه.. السمس.

حمدي: جايباها لمين دي يا سيدة؟
سيدة: كوثر وأمها جُم م الصعيد.
حمدي: طب وجايبة إزازة واحدة ليه؟
سيدة: ماحنا دايمًا بنعمل كده، بنجيب إزازة واحدة، ونحطها في كوبايتين، ونحط عليهم تلج.
حمدي: روحي هاتي إزازة تانية بلاش فضايح!

حمدي: والله زمان يا سيدة..
سيدة: أيام ماتتنسيش.
حمدي: كانت أيام حلوة.
سيدة: أنا ماعيشتش غيرها.. دي كل عمري..