من فيلم خرج ولم يَعُد
كمال: زمان.. كنت غاوي عربيات.
عطية: (يشير للعربة التي يستقلها كمال) حضرتك غاوي عربيات زمان.

من فيلم قضية عم أحمد
عزيزة تراب: أنا المطربة الصاعدة "عزيزة تشوراب".
عم أحمد: إيه؟!
عزيزة تراب: تراب!
عم أحمد: لازم بتغني في القرافة!

من فيلم خرج ولم يَعُد
كمال لعطية: ماحدش يقدر يكح معايا.

من فيلم خرج ولم يَعُد
كمال: إنتي الليلة دي حلوة كده ليه؟
سنية: لأ يا شيخ.
كمال: أديكي فتحتي نِفسي.. قومى هاتيلنا بقى طبق الكنافة..
سنية: طيب..
كمال: ولّا أقولك.. خليها بعدين.. بعدين يا سنية.. بعدين يا سنية..

من فيلم أفواه وأرانب
عبد المجيد لنعمت: (عن زوجته) خدي بالك من نفسك. إوعي أختك تطلعلك في السكة تعضك، نوديكي مستشفى الكلب.

من فيلم خرج ولم يَعُد
كمال: أنا عرفت من الحاج عوضين أنك واخد أجازة شهرين.. مصالح إيه بقى اللي وراك؟!
عطية: أنا مش واخد على عيشة الأرياف.. طول عمري واخد على عيشة القاهرة..
كمال: باردون يا أستاذ عطية، أنا مش قصدي أهينك.. أنا لما كنت في سنك كده كنت عايش في لندن وباريس ونيويورك.. صدقني.. مارتحتش غير هنا، في العزيزية.
عطية: جايز.. بس كل إنسان له طبعه..
كمال: أنا لما آخد عليك حابقى أحكيلك تاريخ حياتي. بس عايزوك تنسى حكاية نزولك مصر.
عطية: هو حضرتك محتاجني هنا في حاجة؟
كمال: أنا هنا مش ناقصني حاجة أبدًا.. إنما أحيانًا أحتاج لإنسان، ياكل معايا، أتكلم معاه.. إنسان تاني غير مراتي وبناتي.. راجل زيي زيه.. فهمت..؟
عطية: الحقيقة مش أوي!
كمال: آه.. بكرة لما تبقى في سني حاتفهم كل حاجة.. أنا كل اللي باطلبه منك تقعد معانا هنا يومين تلاتة.. دي خدمة مش حانسهالك طول عمري..
عطية: بس أنا لا باعرف أقول نُكت، ولا أحكي حكايات!
كمال: أنا مش طالِب منك تمثل لي دور "شهرزاد"! أنا عاوزك تفتحلي قلبك.. وأفتحلك قلبي..