من فيلم خرج ولم يَعُد
كمال: إنتي الليلة دي حلوة كده ليه؟
سنية: لأ يا شيخ.
كمال: أديكي فتحتي نِفسي.. قومى هاتيلنا بقى طبق الكنافة..
سنية: طيب..
كمال: ولّا أقولك.. خليها بعدين.. بعدين يا سنية.. بعدين يا سنية..

من فيلم قضية عم أحمد
عم أحمد: شغَّلوا مخكم..! ماهو أنت يابني لما تنام، وغيرك ينام، البلد حاتنام! ولّا فالحين بس تشتروا حاجات مستوردة! ده أناناس، وده شامبو بالبيض، وده شامبو بالبسطرمة. إصحوا! اصحوا! الشمس طلعت وأنتوا لسة نايمين تحت اللحاف!

من فيلم إسكندرية.. ليه؟
شاكر: أنا مش فاهم الناس ماتعيشّ على أدَّها ليه؟!
عادل: يمكن عشان يعيشوا، يحسِّنوا ظروفهم هما روخرين يا باشا.

من فيلم الكرنك
دياب: قال نص ساعة قال! (حيث أخبره عادل "زائر الفجر 2" أن زينب ستقضي عندهم نصف ساعة فقط منذ أيام).

من فيلم خرج ولم يَعُد
سنية: عملتوا إيه يا كمال؟
كمال: حجزوه في المستشفى.
سنية: مستشفى؟! ليه؟! هو عنده إيه؟
كمال: عنده تلبُّك معوي.
سنية: وده جاله منين دِه؟! ده أكلته ضعيفة يا حبة عيني.

من فيلم الكرنك
دياب لزينب: (عن أمه) قالتلي: "إوعى تنقهر.. حكم البني آدم لما ينقهر، يتسلي زي الدبيحة في الأزان".