من فيلم ضد الحكومة..!
مصطفى: هُنت، عندما هان كل شيء. وسقطت، كما سقط الجميع في بئرٍ سحيقٍ من اللامبالاة، والإحساس بالعجز، وقلة الحيلة.

من فيلم إسكندرية.. ليه؟
إبراهيم: لما أنت عارف أنك حاتخسرها.. جاي ليه؟!
قدري: تنفيسة! تنفيسة ليَّ ولك. كلمة حلوة نقولها، صحافي يلقط مننا لمحة نضيفة، قاضي تفلِت منه كلمة شجاعة.. أهي تنفيسة للكل. زمن! زمن يبرَّروا فيه أنهم يرموا البومب على دماغ ناس مالهومش دعوة الحرب خالص، وعايزني أكسبها؟! زمن بتتشوي فيه الناس في الأفران عشان لون جلدها أحمر ولّا أسمر ولّا عينيها مسبسبة، وعايزني أكسبها؟! زمن بيلمّوا فيه ولاد الناس -سن 16 و17- ويوقدوهم تحت الرمل باسم الحُريَّات الأربعة، وعايزني أكسبها؟! زمن بيكسِّبوا فيه فرد واحد 5000 جنيه في دقيقة، ويغلُّوا على التاني أجرة الترماي، وعايزني أكسبها؟!

من فيلم ضد الحكومة..!
خواطر: كُت عارفة أنك مش حاتسيبني.
مصطفى: إشعرفك؟!
خواطر: من إمتى القلوب بتصدق؟!

من فيلم امرأة واحدة لا تكفي
حسام: أبقى ابن 60 كلب لو أنكرت فضلك علي يا أميرة هانم.. بس مش عيب تِعايري الراجل اللي اخترتيه يبقى جوزك؟!

من فيلم ضد الحكومة..!
زكي: أنا بس كنت عايز أعرف حاجة مهمة أوي: أنت حقيقي، ناوي تقف قدام الحكومة؟
مصطفى: أنا ناوي أعمل الصح، وأصمم عليه مرة في حياتي.
زكي: إحنا لو عملنا الصح، مش حانلاقي ناكل يا ريِّس.

من فيلم ضد الحكومة..!
مصطفى: كلنا فاسدون. لا أستثني أحدًا. حتى بالصمت العاجِز، الموافِق، قليل الحيلة.