سياسة اسنخدام الكوكيز

أوافق باستمرارك في استخدام موقع الدهليز، فأنت توافق على سياسة الموقع لاستخدام الكوكيز. (عرض سياسة استخدام الكوكيز)

من فيلم آثار في الرمال
راجية: .. كمان كنت أنبسط لما أشاركهم فيك، زي ما باشركهم في الشمس والهوا، لكن دلوقتي باحس أن الشمس دي بتوَّرلي أنا لوحدي.
إبراهيم: الشمس هي اللي بتستمِد نورها منك، ومن مشاعرك.. الضوء اللي إنتي شايفاه، ده نور قلبك معكوس عليها.
أقوال أخرى من نفس الفيلم
مشكال لسنية: يا مسكينة يا أم الجهل! "وأخو الجهالةِ في الشقاوَةِ ينعمُ".
سنية: والله وقعنا واللي كان كان.
سنية: يوه! هو أنت؟! يخيبك يا مشكال النوايب!
مشكال: هُس، وطِّي صوتك يا أم الخلول.
سنية: أنا أم الخلول يا أبو جلامبو؟ هاه؟ عايز إيه؟
مشكال: عايز في كلمة.
سنية: مانيش فاضية! مانتش شايف؟!
مشكال: يا حلو. لحسة من طاس الطحينة.
سنية: بزيادة لحستك! أنت ناقص؟!
مشكال: حبيبك اللي تحبه، ولو كان دب.
سنية: قال لو ما كنتش أعرف أمك وأبوك، كنت قولت ولاد الغُزّ وِلدوك.
راجية: أنا متهيألي إن أنا في حلم.
سنية: الأحلام لذيذة وحلوة، طول ما الواحد مغمَّض عينيه.
راجية: حاغمَّض، عشان أشوف الحاجة اللي أنا عايزة أعيش فيها. بكرة حاشوف اللي الدنيا حاترغمني إني أشوفه!