فيلم نحن لا.. نزرع الشوك

Na7No La.. Nazra3 Al-Shouk

زهرة: إخيه! التقلية شايطة، والأكل ناقص ملح! هو ده السم الهاري اللي حاتوكليه للمعدول جوزِك؟! لكن الحق مش عليكي! الحق ع اللي آويكي في بيته! مابترديش ليه يا بِت؟! هاه؟! اتخرستي خلاص؟! ماحدش مالي عينك في البيت ده يا بت إنتي؟! (تلقي سيدة الحلة على الأرض) يا لهوتي! الولية رميت الحلة السخنة بتغلي عليَّ، عايزة تحرقني! يا دهوتي! (تتوجه لابنها) أنا خلاص يا ابني، مابقاليش عيش في البيت ده أبدًا!
علام: ليه يا أمَّا؟!
زهرة: يا ابني دي بهدلتني وضربتني وشتمتني ولمت علي الجيران يا ابني!
علام: حقك علي يا أمَّا.
زهرة: دي حرقت الطبيخ يا ابني!
علام: معلش يا أمَّا.
زهرة: وكسرت يا ابني إزاز النشوق يا ابني كات عايزاه يكسر نافوخي!
علام: بعد الشر عليكي يا أمَّا.
زهرة: يا ابني دي كسرت كمان إزازتين مِش.
علام: كفاية بقى يا أمَّا كسرتي دماغي!
زهرة: يا عيني! يا عيني على بختك يا زُهرة!

بائعة الخضراوات: معلش يا اختي، عشان خاطر جوزك.
سيدة: جوزي؟! جوز الشوم، جوز اللوم! دي ماكانتش جوازة، دي كانت جنازة!

أميرة: خدي ياختي خدي.
سيدة: إيه ده؟
أميرة: دي حاجة حاتهديكي أوي، بس اشربيها مرة واحدة. (تسعل سيدة) أيوة كده، دلوقتي تهدي وتستريَّحي خالص. ياللا، كملي الكوباية.
سيدة: لأ، كفاية كده.
أميرة: اسمعي كلامي، أنا عارفة أن طعمه وحش، لكن حايهديكي أوي.. ياللا.. عشان خاطري.. أيوة كده.. اشربي.. اشربي..

أميرة: يا باي! مبلمة كده ليه؟! هو يعني كان جرى إيه؟! قال على رأي المثل: "كنا، وكان، وكان ياما كان"! أهو كله محصَّل بعضه.
سيدة: ليكي حق! كله محصَّل بعضه!

توحيدة: اشتغلتي قبل كده؟
أبو زيد: بكرة تتودِّك.
توحيدة: اسكت أنت! اتدوَّري يا شابة وريني كسمك.. اتمشي! ماتتغندَّري يا بِت وتفردي صدرك أمَّال! (تكلم أميرة خديها يا بت على جوه).

أميرة: هاهاها، علِّمناهم الشحاتة، سبقونا ع الأبواب.