فيلم خرج ولم يَعُد

Kharaga Wa Lam Ya3Od

سنية: يا خرابي! أعمل إيه في البت دي يا اخواتي؟! يا خوخة! خوخة! بت يا خوخة!
خيرية: أيوة يا ماما؟
سنية: إطلعي قوام دلوقتي يا بت!
خيرية: أمَّا أحمِّي الحمار.
سنية: طب واللهِ إن ماطلعتي دلوقتي لانزل أحميكي بالجردل دِه! قولتي إيه بقى؟

سنية: يا بنتي أبوكي اشترى الهدوم دي عشان تلبسيها!
خيرية: مانا حالبسهم.
سنية: إمتى إن شاء الله؟!
خيرية: يعني لما تيجي مناسبة.
سنية: لأ حاتلبسيهم بقى والنهاردة.
خيرية: يا سلام عليكي يا ماما! عوزاني ألبس فستان جديد، عشان أحمي الحمار؟!
سنية: حمار إيه با بت اللي إنتي مهتمية بيه؟! وسايبة الحمار التاني اللي قاعد في البيت؟!
خيرية: هو احنا عندنا حمار تاني في البيت.
سنية: أيوة.. عطية..
خيرية: يا سلام عليكي يا ماما! بطلي الهزار ده بقى.. عوزاني أحمي عطية كمان؟!

كمال: ماهو البني آدم مننا، أعمى! تبقى الجنة قدام عينيه، ومش شايفها!

كمال لسنية: يا جميل أنت يا حلو.

كمال: الأكل ده نعمة من نعم ربنا.. لذة من لذائذ الحياة الكُبرى..
عطية: أنا مش عارف الحقيقة دي كانت غايبة عني إزاي!
كمال: مش مهم تاكل غالي أو رخيص.. المهم أنك تتمتَّع بالأكل.. أنا، مستعد أعمل لك طبق فوق مدمس، أطعم وألذ من ديك رومي.

الحاج عوضين: طيب، طيب.. طيب، طيب..! هي الدنيا طارت ولّا إيه؟!