فيلم دعاء الكروان - 1959 - أقوال - الدهليز
تقييم الموقع
اقتباسات (12)
الخوجة بشارة: (للحمار) يلّا يا mon cher.. يلّا بلاش لكاعة..
زوجة المأمور: حمد الله ع السلامة يا حضرة المأمور.
المأمور: ميت م الجوع يا حضرة الحكمدار.
زوجة المأمور: خلاص الملوخية اتخرطت.
آمنة: مُنايا أوديكي بيت المأمور عشان أفرجك على حاجة عمرك ما شوفتيها ولا هتشوفيها.
هنادي: هي ايه؟
آمنة: مكنة كده اسمها البيانا (piano)؛ سودا وليها صوابع بيضا.. أول الست ما تلمسها تقولي ساكنها جان..؟! تسمعي كروانات الدنيا كلتها، وطبل إيه ومزازيك إيه..
هنادي: أماي.. صباح الخير.
الأم: صباح الخير يا بنات.
آمنة: bonjour يمّاي.
الأم: ايش بتجولي؟
آمنة: بجولك صباح الخير بالفرنساوي.
الأم: حاسبي على نفسك يا هنادي.. الدنيا ما لها أمان يا بنتي..
خديجة: (تقرأ الكتاب) قالت له ودموعها تسح على خديها.. أهكذا تتخلى عني؟! وأين ذهب حبك العظيم..؟ وأجابها والجفاء ملأ صوته: لا تتحدثي عن الحب..! إن الذي بيننا لم يكن حبًا.. قالت له والبكاء يمزق صوتها: ولكنك باسم الحب طلبت كل شيء.. أجابها: خدعتك.. والرجل لا يعطي حياته للمرأة التي ترضى أن تُخْدَع..!
رجل يغني في الحقل (موال): يا ليلي، يا ليلي، يا ليلي، يا ليلي.. أنا عجبي على غزالة، بيجري وراها جبان.. بالاسم صياد.. وبالفعل خسيس وجبان!
هنادي: لسّاكي صغيرة وجاهلة.. وويلي معاكي الويلين.. ودّي أقولك على كل حاجة، لكن خايفة لكون باعتدي على سنك..! ولو سكت أخاف بردو لتجعي في اللي وجعت فيه.. وتشربي المر وأنت فاكراه حلو..
آمنة: هنادي.. أوعي تكوني..-.
هنادي: - وشّي منكِ في التراب يا آمنة.
صوت آمنة: سِر هنادي عرفته.. خدعوها بالحب.. ماكنتش مصدجة المسطور في الكتب، وبيجول إن الحب شجة وندم وخوف.. دلوجتي صدجت.. صدجت إن الحب شر..!
صوت آمنة: وفي كل طلعة شمس كنت بسأل روحي: يا ترى إيه مخبيلنا اليوم الجديد؟!
هنادي: أنا ما مستبشرة خير.. الكلام اللي جالته ضرَّابة الودع ما يطمن.
آمنة: شاغلك كلام الرمَّالة..؟! هما بتوع الودع بيعرفوا شيّ.. هم كلمتين ليكي ولغيرك.. كل راجل بين حرمتين.. وكل حرمة بين راجلين.
هنادي: لكن أنا عارفة راجليني.. اللي حايئذيني خالي.. وعارفة اللي أذاني وبيريدني..
آمنة: ربنا ينتقم منه.
هنادي: ربنا يسامحه.
آمنة: طالبة السماح؟!
هنادي: ايوة.
آمنة: لسّاكي ريداه؟
هنادي: ما جادرة أكرهه.. الود ودي أكرهه وأنساه.
آمنة: بعد كل اللي جرى..؟! أني لو منك.. -.
هنادي: - لا تكملي يا آمنة.. هييجي يوم وتعرفي الحب.
هنادي: حانبيت إهنه يا خال؟
الخال: عشان ترتاحي!