فيلم الكرنك

Al-Karnak

دياب: قال نص ساعة قال! (حيث أخبره عادل "زائر الفجر 2" أن زينب ستقضي عندهم نصف ساعة فقط منذ أيام).

حلمي: أنا عارف إسماعيل كويس.
عادل: تعرف إيه عنه؟
حلمي: أعرف أنه مش م الأخوان.
عادل: يعني ماسمعتوش بيتكلم في الدين؟
حلمي: هو اللي يتكلم في الدين يبقى مجرم؟!

من طلبة الجامعة: والله وبقينا مجرمين سياسيين.
عايدة: تعرفوا، نفسي أتسجن أنا كمان.. دي حاجة أوريجينال.
محسن: آه، بس على شرط، أكون أنا وانتي في زنزانة واحدة.

خالد صفوان: طب والكتب دي، اللي ظبطناها في شقتك.
حلمي: ما المكتبة كان فيها كتب تاريخ وأدب وطب!
خالد صفوان: والخطوط اللي حاطتها في الصفحات دي؟ تقدر تقوللي ليه؟
حلمي: أولًا الصفحات دي معناها مرتبط باللي قبليها واللي بعديها. ثانيًا الخطوط دي للتلخيص. ثالثًا الكتب دي بتتباع في السوق! يعني ماهياش ممنوعة!
خالد صفوان: اتكلم كويس! عشان بتتباع في السوق، معنى كده أنك تشتريها؟!
حلمي: يا فندم، الميثاق والدستور بيكفلوا حرية الفكرة والعقيدة لكل مواطن.
خالد صفوان: المواطن الصالح. إيه رأيك في الأفكار اللي موجودة في الكتاب ده؟
حلمي: أكيد بتعبَّر عن رأي المؤلف.
خالد صفوان: وأنت طبعًا، مؤمن بيها.
حلمي: مش شرط إني مؤمن بكل اللي أقراه.
خالد صفوان: بطَّل لف ودوران! عايز تفهمني أنه توارد خواطر؟ الكلام اللي أنت معلم عليه هنا هو نفس الكلام اللي مكتوب في منشورات المحلة!
حلمي: وأنا إيه عرَّفني المنشورات دي معمولة فين! ما يمكن معمولة هنا!
خالد صفوان لمخبر: المفروض الأفندي ده كان يجيلي جاهز ع التحقيق!

زبون مغرم بالكلمات المتقاطعة: مخرج أفلام رعب أمريكاني.. آه.. هت.. هت..
جمعة: هاتشكوكو يا بيه (يقصد هيتشكوك).

مسئول سياسي في المعتقل لزينب: إحنا جايز ضريِّنا بدون ما نقصد بعض الناس، لكن بصي لمجموع الشعب اللي استفادوا؟ حاتلاقي اللي انضموا قِلة تُذْكَر.