شوشو

من فيلم لصوص لكن ظرفاء
شوشو: أنا فنجاني مايذكبشي أبدًا، وحلمي مايقعش الأرض.
إسماعيل: حلمي؟!

من فيلم لصوص لكن ظرفاء
شوشو: جوزي الحكمدار يطلع الحرامي من وسط ألف.. يشم ريحة الحرامية من بعيد لبعيد، ولا الكلب "هول".

من فيلم لصوص لكن ظرفاء
حامد: كوكو مين يا مدام؟
شوشو: الله! مدموازيل من فضلك. البغبغان بتاع المرحوم جوزي.

من فيلم لصوص لكن ظرفاء
شوشو: وأخوك ده، أبو وش بريء زي الملايكة، بيشتغل فين يا دكتور؟
إسماعيل: مكوجي.
حامد: ظابط سجون.
شوشو: ظابط سجون فين؟
إسماعيل: في سجن أبو زعبل.
شوشو: يا سلام ع الصدف.
إسماعيل: حضرتك كنتي في أبو زعبل؟

من فيلم لصوص لكن ظرفاء
شوشو: اللي واخد عقلي يتهنى به.

من فيلم لصوص لكن ظرفاء
حامد: كنتي عاوزة تتونسي معانا وتسلينا.
شوشو: لأ يخويا لأ! الله! الجران يقولوا إيه؟! راجلينن ظُراف، لُطاف لوحديهم، ومعاهم شابة! لا، كلام الناس كتير.
حامد: ده عين الصواب.
شوشو: ههه.. والواحدة مننا، تخاف على روحها برضه من.. الفتنة.
إسماعيل: ده صحيح، وبرضه تخافي علينا من الفتنة.. إحنا مهما كان برضه بشر.
شوشو: بتفهميني قوام يا نسناسة.

من فيلم لصوص لكن ظرفاء
حامد: ده مرض كثيرًا ما يًصاب بيه صغار السن، واسمه العلمي "سيكومورانيا لاناتونيا".
شوشو: واللاتوريا دي، تبقى إيه بالعربي يا دكتور؟
حامد: ده المرض اللي أصله، اسمه "زيغوطاطس"، وبالعربي بيسموه "الزغطة"، ودي تسمية خاطئة.
إسماعيل: فانتي تاخد 80 قرص أسبرين، مع كوباية شاي بنعناع. حاتنامي على طول.

من فيلم لصوص لكن ظرفاء
حامد: بس أشوف القلب.
شوشو: الله! القلب مش هنا، ده القلب هنا.
حامد: مش دايمًا يا هانم.