يحيى الفخراني

من فيلم حب.. في الزنزانة
مخبر 1: كنت فين لغاية دلوقتي؟
فاروق: مفيش حد في الدنيا من حقه يسألني السؤال ده غير مراتي.

من فيلم أنا وأنت.. وساعات السفر
عزت: أنا عايز أقول لك على حاجة مهمة أوي: أنا رأيي أن الضحك زي البُكا بالظبط.. الاتنين شعور إنساني.. إحساس جيَّاش.. فيه ناس سعادتها في البُكا زي سعادتها في الضحك.. أنا من الناس دي.. إنتي مابتشوفيش الأطفال وهما بيعيَّطوا ويضحكوا في نفس اللحظة؟ ليه؟
سلوى: ليه؟
عزت: عشان جوَّاهم براءة.. فهمتي؟

من فيلم أنا وأنت.. وساعات السفر
المرأة الفقيرة: زمان، الناس كانت حاجة تانية. عندنا في البلد في الأمثال بيقولوا: "الناس لبعضيها". لكن يظهر أنتم في بلدكم ماعندكوش أمثال خالص!
عزت: الزمن بيجري يا حاجة.
المرأة الفقيرة: لا بيفسَد.

من فيلم أنا وأنت.. وساعات السفر
سلوى: تفتِكِر الحُب بيموت؟
عزت: الحب كائن حيّ.. بيمرض، وبيصاب بالعَجَز والشيخوخة.. ممكن يتجنِّن كمان.
سلوى: تفتكر حبنا مات؟!
عزت: يا سلوى الحب ده مابيتعلِّبش جوه عِلَب.. ماهواش سردين ولّا زيتون أخضر، تحطيه جوه بطرمان وتقفلي عليه!

من فيلم حب.. في الزنزانة
فاروق: إذا كنت أنت هانِت عليك نفسك وبِعتها بالفلوس، مستغرب ليه إن أنا أبيعك؟!

من فيلم خرج ولم يَعُد
سنية: بالهنا والشفا يا أستاذ عطية. طبعًا أنت بقى عارف عوايدنا في البيت دِه.
عطية: طبعًا يا حاجة. الأكل ده لازم يتمسح.
كمال: مَسْح.