من فيلم خرج ولم يَعُد
الحاج عوضين لعطية: آه يا لئيم.. وأنا اللي كنت باقول عليك أهبل؟! هاهاها..

من فيلم ابن حميدو
الباز أفندي: صلاة النبي أحسن!

من فيلم خرج ولم يَعُد
الحاج عوضين: ولما تأجلها.. ناوي تسافر مصر ولّا تقعد هنا شوية؟
عطية: والله لسة مافكرتش يا حاج.
الحاج عوضين: مافكرتش؟! مافكرتش إزاي وأنت راسمها! هاه!

من فيلم مراتي مدير عام
سليمان: أبو الخير.. عايز أتجوز يا أبو الخير.. عايز أتجوز..!
أبو الخير: تتجوز؟!
سليمان: آه.
أبو الخير: عبيط وحياة النبي! أبله! أي واللهي..

من فيلم مراتي مدير عام
أبو الخير: اسمع يا سيدي.. جيبتلكوا كل المعلومات المطلوبة..
سليمان: المعلومات المطلوبة؟! المعلومات المطلوبة وصلت والحمد لله.
عبد القوي: سيبه يا سليمان، سيبه يمكن ينوَّرنا..
أبو الخير: يابني بَطَّل.. ياللا يا شيخ كده.. اسمع يا سيدي.. المدير الجديد: عصمت فهمي، بكالوريوس هندسة، قسم عمارة، جامعة القاهرة. يبلغ من العمر خمسة وخمسون عامًا.
عبد القوي: يبلغ؟!
أبو المجد: هه.. طوِّل بالك يا سيادة الوكيل.. قول يا.. أبو الخير أفندي هلمز، قول..
عبد القوي: دِش..
أبو الخير: صعيدي! من إدفو. أرمل وله ولد وبنتان. سٌكَري.. حلاوته! يلعب القمار على خفيف.. لا غبار على ذمته.. سريع الغضب.. شرَّاني!

من فيلم خرج ولم يَعُد
الحاج عوضين: طيب، طيب.. طيب، طيب..! هي الدنيا طارت ولّا إيه؟!