من فيلم يوم مالوش لازمة
يحيى: إيه يالا ده؟! إيه يالا؟!
والدة يحيى: بيرشوا ملح من عين الحاسود.
يحيى: طب مايرشوا في عين الحاسود! بيرشوا في عيني أنا ليه؟!

من فيلم عندليب الدقي
فوزي: بصي البراءة يا أمه، بذمتك شايفة الجمال؟ بصي هنا بقى.. أتحداكي، لو عرفتي تحددي ملامحها كبني آدمة.

من فيلم عندليب الدقي
فوزي: باقولك إيه، ممكن أسألك سؤال؟ هو أنتي ليه مافكرتيش في الجواز لحد دلوقتي؟ هو أنتي فيه حد غرغر بيكي؟ ولّا أنتي مُعقدة؟

من فيلم عندليب الدقي
فوزي: سيبك م الموضوع ده وخلينا في علاقتنا.
جومانا: علاقة إيه مستر فوزي؟
فوزي: لا لا، بلاش مستر فوزي، شيلي الألقاب بقى، يعني قوليلي يا أستاذ فوزي، يا فوزي بيه.. لعلمك أنا عادي مش معقد. علاقتنا مش المفروض تتطوَّر شوية؟
جومانا: نطورها إزاي يعني؟
فوزي: يعني استلطاف، استظراف، اغتصاب.. هي فهمتني غلط ولّا إيه؟

من فيلم عندليب الدقي
فوزي: صباحنا عسل ملزَّق في السندوشات.

من فيلم عندليب الدقي
فوزي: أعرف واحدة، لما كانت بتقعد كانت الكنبة بترجع!