محمد هنيدي

من فيلم يوم مالوش لازمة
يحيى: إيه يالا ده؟! إيه يالا؟!
والدة يحيى: بيرشوا ملح من عين الحاسود.
يحيى: طب مايرشوا في عين الحاسود! بيرشوا في عيني أنا ليه؟!

من فيلم عندليب الدقي
فوزي: بصي البراءة يا أمه، بذمتك شايفة الجمال؟ بصي هنا بقى.. أتحداكي، لو عرفتي تحددي ملامحها كبني آدمة.

من فيلم يوم مالوش لازمة
يحيى: أنا للمرة المليون مابحبكيش يا بوسي!
بوسي: لأ، بتحبني في السابكونشس (ملحوظة: تقصد subconsciousness أي اللاوعي).
يحيى: مين ياختي؟!
بوسي: في السابكونشس.

من فيلم تيتة رهيبة
مروان: يا أوفة، شوف جدك يا عم، الراجل ده زودها أوي.
رؤوف: إيه ده أنت غيران؟! غيران من جدي؟! يا أهبل، هايعمل إيه؟! ده بيكتب اسمه بينهج يا عيني.

من فيلم عندليب الدقي
فوزي: سيبك م الموضوع ده وخلينا في علاقتنا.
جومانا: علاقة إيه مستر فوزي؟
فوزي: لا لا، بلاش مستر فوزي، شيلي الألقاب بقى، يعني قوليلي يا أستاذ فوزي، يا فوزي بيه.. لعلمك أنا عادي مش معقد. علاقتنا مش المفروض تتطوَّر شوية؟
جومانا: نطورها إزاي يعني؟
فوزي: يعني استلطاف، استظراف، اغتصاب.. هي فهمتني غلط ولّا إيه؟

من فيلم عندليب الدقي
فوزي: يا شكري، أمي جاتلها الأزمة بتاعة صدرها.. هاتلي دكتور مسالك بولية وتعالى بسرعة..