خالد صالح

من فيلم الريس عمر حرب
عمر حرب: لبس الديلر زي الكفن، مالوش جيوب. والكازينو زي الدنيا، تدخلها عريان، وتخرج منها عريان.

من فيلم كَف القمر
لبنى: نفسي أسمع منك كلمة حلوة! قلبك ده إيه؟ حجر؟! مابيحسش؟!
زكري: يا مرة مش مهم جلبي اللي يحس بيكي، فيه حاجات تانية أهم بكتير، لازم تحس بيكي.

من فيلم الريس عمر حرب
عمر حرب: إحنا الاتنين خرجنا من حضن الأسرة لقسوة الوحدة، بس ده طبيعي. الرواد والمفكرين والأنبياء، حتى المجانين يا راجل، دايمًا لوحدهم. ودي ضريبة الاختلاف.

من فيلم الريس عمر حرب
عمر حرب: طبعًا سمعت عني حكايات كتير تخوِّف، بس اللي يسمع غير اللي يشوف!

من فيلم الريس عمر حرب
عمر حرب: طبعًا كنت متوقع فيلا أو قصر. أو على الأقل شقة فيها عفش فخم، بس أنا مابحبش الكراكيب، الفقرا بس هما اللي بيحبوها. بيخافوا من الفضا.. يحبوا كده يلاقوا حاجات كتير حواليهم عشان يحبوا بلذة الامتلاك، حتى لو بكراكيب.