من فيلم الحب وحده لا يكفي
فريد الكيلاني: سيبك من الكتب اللي درستها في الجامعة.. هنا، جامعة الحياة!

من فيلم حافية على جسر الذهب
عزيز: يا ترى، ناوية تقتليني بإيه المرة دي؟ بسكينة ولّا.. بمسدس برضه؟
كاميليا: أنت شايف إيه؟
عزيز: أنا شايف أنك ممكن.. تقتليني بحاجة أقوى من كده.
كاميليا: إيه هو؟
عزيز: بجمالك.

من فيلم حافية على جسر الذهب
كاميليا: أنت مستحيل تكون إنسان له قلب ومشاعر زي بقية الناس.
عزيز: أنا مش إنسان.. أنا عزيز!

من فيلم الحب وحده لا يكفي
فريد الكيلاني: أنا مش فاهم إيه اللي بيحصل ده.. أغيب عن البلد كام سنة، أرجع ألاقي حالها متشقلب بالشكل ده؟! ليسانس آداب تشتغل في محل مانيكير وباديكير.. وبكالوريوس تجارة.. بيشتغل فاعل!! أنا مش فاهم!

من فيلم حافية على جسر الذهب
عزيز: أستاذ أحمد سامح.. مفيش شك أنك ممثل ممتاز، وتقدر تلعب أدوار البطولة، بمنتهى البراعة.. بس.. مش على عزيز.. هاهاها..

من فيلم الراقصة والطبال
ناصح: خديلك ياختي جرنال وحصليني على أوضة النوم. وماتنسيش يا روح أمك تجيبي المُلحَق عشان نتغطَّى بيه!