من فيلم سكر هانم
سكر الحليوة: إزاي تتهجم على واحدة ست؟!
المعلم شاهين الزلط (في سِره): سِت؟! أنا مش شايف قدامي أيُها سِت!
المعلم شاهين الزلط: ده أنا جنب منك أبقى مرلين مورنو.
سكر الحليوة: ليه؟! إنت عميت؟! مانتش شايف القوام؟!
المعلم شاهين الزلط: هو في الحقيقة قوام عاوز بردعة ولجام.

من فيلم عدو المرأة
كامل: اسكت يا راجل يا عجوز يا متأخر يا عديم المرأة.

من فيلم غرام في الكرنك
رجب: هاها.. شغَّل مخلك يا راجل يا بويا!

من فيلم حافية على جسر الذهب
كاميليا: تفتكر مين اللي عمل كده في شكري؟
محجوب: أقولك.. لا.. ممم.. مش عايز أجيب سيرتهم.. الحيطان ليها ودان.
كاميليا: أنت كمان خايف؟
مججوب: الخوف والضعف، هما اللي بيثبتوا إن احنا بني آدمين.. الحيوانات في أوروبا بيسمعوها مزيكا عشان تبقى سعيدة.. لكن هنا بيسمعونا أصوات الكرابيج عشان ننافق ونزيِّف الحقيقة.
كاميليا: أنت صحفي.. قول الحقيقة! اكتب!
محجوب: أكتب؟! أنا مرة كتبت مقال وقولت فيه الحقيقة.. عينك ما تشوف إلا النور! خدوني من الدار للزنزانة، ورقعوني حتة دين علقة! فوقت لقيت قدامي دراكولا!

من فيلم خطيب ماما
بهيجة: أنت باين عليك إنسان نبيل.
فرحات: جدًا، بس ماليش بخت.

من فيلم سكر هانم
فريد أبو وردة: سكر، مش عايز أي خدمة؟
سكر الحليوة: أشكرك! يا سلام ع الدنيا، ماتساويش صرمة قديمة! من شوية كنتوا عايزين تجيبولي العسكري علشان يطردني. ولما احتاجتولي عايزين تقدمولي أي خدمة. الدنيا دي...