فاطمة: أنا خايفة يكون جرى له حاجة!
أم روحية: مين عارف؟! ماهو الزمان الواحد يخرج فيه، يا يرجع، يا مايرجعش!
فاطمة: أنت اللي عاوز إيه من السيد؟! راعبك في إيه السيد؟! جلال: سيد ده إيه اللي يرعبني؟! ده جربوع! ده لا من مقامنا ولا يصَح يناسبنا! فاطمة: سيد جربوع مش من مقامك يا بيه؟! ده كان عمك وخالك! الله ينعل أبو الزمن اللي خلَّاه مش من مقامك!
عبود: عملتي منه تمثال يا خالة فاطمة! أهو جيه دور التمثال يخلَّص عليكي!
أم روحية: ياما خوفتي عليه ياختي! فاطمة: آه يا خالة! كان الخوف ع العيال وهما صغيرين، لما كبروا بقى الخوف منهم!
