فيلم حنفي الأبهة

7Anafy Al-Obbaha

شريف: بقالك ساعة في الحمام! بتولد؟!

اللواء عبد الخالق أبو العينين: يا ابني كفاية بقى!
حنفي الأبهة: أصلها دبانة رزلة أوي!
اللواء عبد الخالق أبو العينين: يا ابني اهمد، اهمد شوية! قولنا خلاص! خلاص يا ابني! خلاص اعمل معروف سيبها في حالها، ارحمها وارحمها وارحمنا!

المقدم علاء: باين عليه مجنون يا فندم.
اللواء عبد الخالق أبو العينين: ده مش مجنون، ده أكيد مجنون!

والد حنفي: يا ابني القرش الحرام لا بيدوم ولا بيشبَّع.

حنفي الأبهة: الراجل مايعيبوش غير عيب واحد يا باشا، العيب ده أنت عارفه، وأنا كمان عارفه. العيب ده فيك يا باشا؟

سيدة الحفل: فيه إيه يا حنفي بك أكتر من أن طبقة الأوزون تتخرِم؟! دي مسألة في منتهى الخطورة.
حنفي الأبهة: الأوزون اتخرم؟ مانتي الحق عليكي! إزاي تسبيبهم يخرموه؟! ابقي اقفلي الشبابيك وانتي خارجة، هاه؟ مين اللي خرمه؟ البلد دلوقتي بقيت أي حاجة فيها تتخرم بسهولة.

حنفي الأبهة: أنا ليَّ ابن خالتي، مرة اتخرم منه الأوزون، كنا صغيرين، كَل ضرب يا عيني؟! كات أمه بقى مربية أوزون فوق السطوح، خرم هو الأوزون من غير أبوه ما يعرف، أبوه جِه م الشغل لقى الأوزون مخروم، كَلُه علقة!

عبلة: حارمني من أبسط شيء وأهم شيء تتمناه أي ست.
شريف: مش فاهم.
عبلة: حارمني من الخِلفة!
شريف: وأنا قولتلك ماتخلفيش؟!
عبلة: وأنا أخلِّف إزاي؟ بالمراسلة؟!

حنفي الأبهة: أي والله، زي ما باقلكوا كده.. ع العموم أنا حابقى أديلكوا عنواني تيجوا تقضّوا عندي سنتين تلاتة أربعة..