عايدة

من فيلم إني راحلة
عايدة: إيه رأيك؟ حاطبخلك النهاردة "كشري" بماية الدَّقة مش الدُّقة.
أحمد: لأ شاطرة، بقيتي بنت بلد حقيقي. بس أنا من رأيي إننا مانبتديش حياتنا بالكشري. خليها آخر الشهر.
عايدة: كشري المُحِب دِندي، يا عبيط.

من فيلم إني راحلة
عايدة: تحشَّم من فضلك واعتذر حالًا.
أحمد: أقدم خالص اعتذاري يا عايدة هانم.
عايدة: مقبول يا أحمد بك، تقدر تتكلم.. استمر.

من فيلم إني راحلة
عايدة لأحمد: أقعد مطرحك وخليك عاقل!

من فيلم إني راحلة
توتو: القاعدة لطيفة أوي هنا.
سوسو: ماعندكوش Radio PICA؟
عايدة: لأ، فيه رايدو بس.
توتو: quelle dommage، كنت نزلت الautomobile جيتيلكوا اسطوانة Give Me Your Lips ودوَّرتهالكوا. إنتي ماسمعتيهاش يا عايدة؟
عايدة: والله ماحصلّيش الشرف.
سوسو: مش معقول.. دي préféré.
توتو: أمَّال بتحبي تسمعي إيه؟
عايدة: باحب اسمع.. "سلوا قلبي".
توتو: salo qalbi?! qu'es ce que c'est? عمرك سمعتيها يا سوسو؟
سوسو: jamais، مين بيلعبها دي؟!
عايدة: دي قصيدة، ألِّفها واحد كده اسمه "شوقي بك"، بتغنيها واحدة، ماعرفش سمعتوا عنها ولّا لأ، اسمها أم كلثوم.
سوسو: pardon، أصل إحنا مابنسمعش عربي أبدًا. أعصابنا مابتستحملهاش.. أصل هنا كله في مصر "يا ليل"، "يا عين".. "إيي"، "آآه"..
توتو: لسة بدري على مصر عشان يبقى فيه musique، chanson.. أي حاجة كويسة. الفول المدمس والطعمية بيقفل المخ.

من فيلم إني راحلة
عايدة: (عن أحمد) بس لو كان إداني فرصة عشان أشرحله.. بدال ما يعذِّبني ويعذِّب نفسه من غير سبب..
دليلة: أنا برضه لو كنت راجل كنت عملت أكتر من كده. ده الواد "صدمة" أيَّام ما كان بيحبني شافني باطبطب على كلب -مش بارقص معاه-، هرى جتتي م الضرب.

من فيلم إني راحلة
عايدة: كل اللي بيحبوا كده.. دايمًا يعذِّبوا روحهم.. يخلقوا لنفسهم آلام وأحزان، بسبب حاجات مالهاش وجود.

من فيلم إني راحلة
أحمد: عايدة، اسمعي، إنتي بتحبيني؟
عايدة: سؤال بايخ!
أحمد: وشايفة إني جدير بيكي وأقدر أسعدِك؟
عايدة: وده أبوخ وأبوخ.. طبعًا يا أحمد.

من فيلم إني راحلة
عايدة: يعني لازم أضحي بشرفي عشان أحافظ على كرامتي!

من فيلم إني راحلة
عايدة لفايق: أنا تعبتك معايا كتير.. وجميلك ده مش حانساه لآخر العمر.. الدنيا لسة بخير طول ما فيها ناس زيك.

من فيلم إني راحلة
عايدة: أنت دايمًا مستعجل كده؟
أحمد: مش كفاية اللي فات من عمرنا؟

من فيلم إني راحلة
عايدة لدليلة: الأدب والزوق ده جابه منين؟!