نانسي

من فيلم الحفلة
فاروق: طب أحب أعرف بقى الفرق بين الصُّحاب والجيران.
نانسي: الجيرة ليها أصول، لكن الصحاب حاجة تانية.
فاروق: مش فاهم.
نانسي: يعني.. الجيران.. نسلم على بعض، نزور بعض في المناسبات.. بس لازم ناخد بالنا في كلامنا معاهم.. لكن الصحاب حاجة تانية.. تقدر تقول كده أنك ممكن تقعد معاهم مَلْط.
فاروق: ملط؟!
نانسي: مم.. بس مش المعنى الحرفي للكلمة طبعًا..
فاروق: طبعًا.. مفهوم.. هو حضرتك ساكنة هنا لوحدك؟
نانسي: مم.. مطلَّقة.
فاروق: مفهوم.
نانسي: هو إيه اللي مفهوم؟
فاروق: أن حضرتك متطلَّقة.
نانسي: ودي حاجة وحشة ولّا كويسة بقى من وجهة نظر حضرتك؟
فاروق: دي نعمة من عند ربنا.
نانسي: واضح أوي أنك مبسوط في جوازك.
فاروق: عرفتي إزاي إن أنا متجوز؟
نانسي: م الدبلة اللي في إيدك!
فاروق: آه! هي الدبلة دي اللي موَّقفة حالنا!
نانسي: طب ما تقلعها وتاخد راحتك.
فاروق: هاهاها.. عسل والله يا مدام نانسي. شوفتي إنتي عسل إزاي؟ عشان متطلقة.. بالِك إنتي لو متجوزة، كنتي بقيتي حاجة تانية خالص!