هاني رمزي

من فيلم نمس بوند
شريف: واضح أن الباشا كان تعبان أوي، هو كان عنده إيه؟
نور: ماكانش عنده حاجة، دي مقوِّيات.
شريف: مانا عارف، أكيد كان بيتشاقى أوي..
نور: بيتشاقى؟! ده كان بعد ما ياخد كل الأدوية دي، يبقى ي ي ي.
شريف: ي ي ي؟! يعني إيه؟
نور: يعني يادوبك يقدر يهزر.

من فيلم نمس بوند
شريف لنور: (ينظر لملابس البحر الخاصة بها) معقولة لسة حضرتك ماقلعتيش الأسود؟! المرحوم فات عليه فترة، وبعدين الحزن في القلب مش باللبس خالص.

من فيلم الرجل الغامض بسلامته
لميس: واضح أن المايوه محرَّرها.
راضي: محرَّرها هي؟! ده يحرَّر العراق كلها!

من فيلم نمس بوند
شريف: انتوا عندكوا هنا أطفال؟
نور: أطفال؟ لأ، ليه؟
شريف: أمال ده بتاع مين ده؟! ده أكيد طفل، وطفل رضيع كمان!
نور: ده بتاعي أنا.
شريف: بتاعك إنتي؟! إزاي؟!
نور: لو سمحت، الضلفة دي مافيهاش غير ملابسي الداخلية.
شريف: وأنا من الداخلية، يعني تخصصي.

من فيلم الرجل الغامض بسلامته
وزير الاستثمار: بس برضه مايصحش، أنه يطلب يقابلك لوحدك!
راضي: مين ده اللي عايز يقابلني لوحدي؟
وزير الاستثمار: رياض، الوضع مُحْرِج يا رياض.
راضي: يا فندم حضرتك كده قلقتني! مين اللي عايزني لوحدي في وضع مُحْرِج؟!

من فيلم الرجل الغامض بسلامته
موظف الاستقبال في الحفلة: سوري، مش حاقدر أدخَّل حضرتك من غير invitation!
راضي: إنفيتيشن إيه يا جدع؟! إيه؟ مابتاخدشي بالمظاهر؟