سياسة اسنخدام الكوكيز

أوافق باستمرارك في استخدام موقع الدهليز، فأنت توافق على سياسة الموقع لاستخدام الكوكيز. (عرض سياسة استخدام الكوكيز)

جديد من الدهليز: يمكنك الآن تركيب وجهك على أي ميم في الموقع باستخدام الذكاء الاصطناعي. إبدأ هنا الآن.
موقع الدهليز مجاني بالكامل 100%!
من فيلم دعاء الكروان
الباشمهندس: انت يا إما على نياتك أوي.. يا إما سِمَّاوية أوي.. اشربي..
آمنة: لا يا سيدي اعمل معروف!
الباشمهندس: بقولك اشربي.
آمنة: كفاية يا سيدي، أحسن أدوخ.
الباشمهندس: تدوخي.. ودي حاجة وحشة..؟! أنا كل يوم بشرب إزازة زي دي عشان أدوخ.. وانسى..
آمنة: تنسى ايه يا سيدي؟
الباشمهندس: أنسى نفسي.. أنا الانسان الوحيد اللي ما باحبش أقابله.. دايمًا متخاصمين.
آمنة: ليه؟
الباشمهندس: كل ماجي أحط راسي على المخدة: سين وجيم! ولوم!
آمنة: وليه اللوم؟ أنت بتعمل حاجة تغضب ربنا؟!
الباشمهندس: مش عن قصد.. أخطائي زي ما تقولي نوع من الهروب.. دي مسائل ما تفهميش فيها إنتي.. لكن هاكلمك عنها بردو بدل ماكلم نفسي..
آمنة: ساعات الواحد بيكلم الحيطة.. وبتهرب من إيه؟
الباشمهندس: م الوحدة.. في إيه في الريف غير الوحدة والملل؟ الأيام كلها زي بعضها.. في الصبح مرور على الجسور، وبالليل لعب الورق في النادي.. مع نفس الأصحاب.. همّا كمان الملل صابِبهم في قوالب.. عقولهم وقفت وأفكارهم اتجمدت.. زي اللي تكون مسجلة على اسطوانات.. يعيدوا النكتة الجديدة، ويضحكوا عليها من جديد.. ويكرروا الحكايات الوضيعة.. وتسليتهم الوحيدة: أن واحدة تروح، وواحدة تيجي.. تاخد دور البطولة في الحكاية الوضيعة..
آمنة: هنادي تروح وسكينة تيجي!
أقوال أخرى من نفس الفيلم
آمنة: (مُحدثة الكروان) جيت؟ آني كنت مستنياك.. العمر بطوله وأنت في الجلب، وصوتك غالي في الودان.. صغيرة لجياك سعدي وفرحي.. كبيرة لجياك ونيس وسامع شكواي.. كنت وحديك معاي في الليلة المشئومة.. فاكر..؟ أنا وإنت استغاثنا، لكن صوتنا ضاع في الفضا الكبير.. دُعاك ما وصل لأي إنسان، وصرختي ما هزت جلب مخلوج..
آمنة: الجلب كان خالي والبال مرتاح..
الشاب البدوي: صباح الخير يا صبايا.
هنادي: يسعد صباحك.
الشاب البدوي: عطشان يا صبايا.
آمنة: إشرب من البحر يا خويا.
هنادي: بت يامنة، أوعي تزلفي بكلمة جدام أماي.
آمنة: إنتي فكراني صغيرة..؟! دنا أوعى منكِ!
زهرة: خاف الله يا جابر.. إنت جلبك صار علينا حجر.
صوت آمنة: دي الرحمة اللي جِدروا عليها..! جرشين لزاد الطريج، وما خافوا علينا من شر الطريج..!
صوت آمنة: يا ويلي من اليوم اللي فات.. ويا خوفي من اليوم اللي جاي!