للتصفح السريع للموقع

يحيى

تقييم الموقع

أقوال (11)

من فيلم الفيل الأزرق
سائق التاكسي: هو الباشا مابيقراش جرايد بقاله أد إيه؟
يحيى: يعني.. تقريبًا خمس سنين.

من فيلم الفيل الأزرق
د. صفاء: عندي مكان في قسم الشيخوخة.
يحيى: لأ، لأني مش حاستحمل التبول اللا إرادي يا دكتور.

من فيلم الفيل الأزرق
يحيى: إزيك يا سامح.
سامح: حمد الله ع السلامة.
يحيى: الله يسلمك.
سامح: أنت خاسس أوي! لا بس كرشك كبر. أنت مال شعرك؟ أنت حاتصلَع ولّا إيه؟ الله! أنت مال مناخيرك بعجرتك كده ليه؟
يحيى: إزيك يا سامح!

من فيلم الفيل الأزرق
يحيى: هو إيه اللي حصل للشجرة يا عم سيد؟
عم سيد: سمعت صريخها وهما بيقطَّعوها.

من فيلم الفيل الأزرق
سامح: إللا صحيح أنت فين ع الفيسبوك؟
يحيى: لأ أنا ماعنديش فيسبوك يا سامح الصراحة، ماليش فيه.
سامح: يا راجل! حد دلوقتي مالوش فيه؟! ده أنا عندي ييجي 90 فريندز، واتنين subscription، مشتركين عندي يعني عشان يعرفوا أخباري.

من فيلم الفيل الأزرق
يحيى: أمال أنا باكلم مين دلوقتي؟
شريف: صديق، ممكن تناديني "نائل".
يحيى: نايل.
شريف: نائل!

من فيلم الفيل الأزرق
شريف: آه! الكدب يا صديقي، الكدب!
يحيى: أنا مش كداب.
شريف: أهي دي كدبة. مفيش بني آدم مابيكدبش.

من فيلم الفيل الأزرق
يحيى: اتقلبت بينا العربية. أنا عيشت وهما ماتوا. قدر!
شريف: قدر. قدر سرعته 160 كيلو في الساعة.

من فيلم الفيل الأزرق
لبنى: لو من تلات شهور بس كان حد قاللي أن الساعة 11 بالليل حاقعد في مستشفى المجانين ماكنتش حاصدقه.
يحيى: إيشعرفك أن هما اللي مجانين؟ مش يمكن إحنا ومش واخدين بالنا؟

من فيلم الفيل الأزرق
يحيى: ديجا دي أجنبية، هاه؟
مولي: لأ، Deega خديجة، nickname.

من فيلم الفيل الأزرق
ديجا: جارِح؟ ولّا صقر رقبته مليانة؟ ثور بقرون؟
يحيى: قرون؟!
ديجا: ولّا عقرب؟
يحيى: لأ، واضح أن فيه سوء تفاهم..

شخصيات أخرى من نفس الفيلم

سياسة اسنخدام الكوكيز

يحيى