من فيلم نهر الحب
طاهر: دقيقة واحدة يا أستاذ ممدوح، تفرق كتير.

من فيلم نهر الحب
نوال: أنت مابتزهقش أبدًا يا طاهر؟!
طاهر: من إيه؟
نوال: من أنك دايمًا معاك حق! من أنك مابتغلطش أبدًا؟! أنا لو مطرحك كنت أتمنى إني أغلط ولو مرة واحدة!
طاهر: يا عزيزتي نوال، الإنسان ممكن يغلط في حالة واحدة بس: لو فكَّر بقلبه.
نوال: يبقى عمرك ما حاتغلط أبدًا.

من فيلم الحرام
فكري أفندي: ما خلاص فضحتونا! انزف الخليفة، وانفض المولد! جاتكم الغم.

من فيلم نهر الحب
نوال: معلش يا طاهر، غصب عنه.
طاهر: أرجوكي! أنا ماكرهش حاجة في الدنيا أد كلمة "معلش" دي!
نوال: عيبها إيه بقى؟!
طاهر: عيبها أنها بتساعد على عدم الشعور بالخطأ، وبالتالي على عدم الاستعداد لتجنُّب الخطأ!

من فيلم الحرام
فكري أفندي: (عن عزيزة المريضة) لكن دي تموت كده!
الريس عرفة: نعمل إيه يا سعادة الناظر؟ العين بصيرة، واليد قصيرة! هي لاقية تمن اللقمة، لما حاتلاقي تمن الدوا؟!

من فيلم نهر الحب
طاهر: إيه الحكاية؟! دول ماكانوش يومين غيبتوا فيهم عن بعض!
نوال: أنت بتقول أن دقيقة واحدة بتفرِق بين الحياة والموت، تصوَّر بقى يومين بلياليهم ممكن يجرى فيهم إيه!