لص: أنا مش حرامي يا حضرة الضابط، أنا مظلوم.
ضابط: أمَّال كنت متشعبط ع المواسير ليه؟!
زكي: أصل عنده "مواسير" يا فندم.

زكي: هاها.. بحر الأذى واسع يا عطية.. سلامات.. واحشني موت.. أنا أحبك يا عطية هاها.. مسير الحي يتلاقى.. وحياة العيش والعدس، لاكون باسطك يا عطية.. إلى اللقاء.

معاون المباحث: سنارتك غمزت؟
عطية: لسة الطعم في المياه يا فندم.

زكي لعطية: كلها خمستشار عشرين سنة إعدام شنقًا.

جمالات: والنبي يا أمَّة ده زكي بيحبك.
أم جمالات: حبِّتهُ عقربة! يا ساتر يا رب لما بيقوللي "يا حماتي"، الدم بيفور في جتتي أبقى عايزة أخنقه في زمارة رقبته!

صاحب أجزخانة الحكمة: لا! دي حكايتك كبرت أوي مع الأسبيرين.
زكي: أعمل إيه؟ ما هو أنت لو ربنا حاكِم عليك بحما زي حماتي، تشوفها وتسمع دوشِتها كل يوم، كنت لازم تجيب يافطة مكتوب عليها "استعينوا على صُدام حماوتِكُم بالأسبرين".