سياسة اسنخدام الكوكيز

أوافق باستمرارك في استخدام موقع الدهليز، فأنت توافق على سياسة الموقع لاستخدام الكوكيز. (عرض سياسة استخدام الكوكيز)

جديد من الدهليز: يمكنك الآن تركيب وجهك على أي ميم في الموقع باستخدام الذكاء الاصطناعي. إبدأ هنا الآن.
موقع الدهليز مجاني بالكامل 100%!
من فيلم أربعة في مهمة رسمية
أنور عبد المولى: ولا حاجة.. باشتغل 8 ساعات.. وبانام زيهم.. وعايز أفرح! نفسي أفرح 5 دقايق كل 5 سنين! بس!
أقوال أخرى من نفس الفيلم
شحاتة أفندي: حمار عادي، معزة عادية، وقرد..
أنور عبد المولى: .. غير عادي.. من النوع الشمبانزي. أنثى مدربة، تتميز بردود فعل عنيفة.. وظريفة.. هاتي بوسة.. كما أن نظرة الحزن الرقيقة المُنْبَعِثة من عينيها العسليتين، تدل على مدى الضياع الذي تشعر به بعد وفاة صاحبها..
أنور عبد المولى لدلال القردة: مين عارف يمكن تكوني من نصيب واحد غني عايش عيشة حلوة، يجوزك شمبانزي ابن حلال، يقدس الحياة الزوجية، يهنيكي ويستتك.. قصدي يشمبزك..
بطة: الأوضة أجرتها تلاتة جنيه.
أنور عبد المولى: بالأكل؟
بطة: ليه؟! هانعلفك أنت راخَر؟!
بطة: آخر زمن.. القرداتية بقوا أفندية!
الضابط: يفرق كتير يعني عن الحمار اللي كان معاك؟! يعني كان مأصَّل؟! من سلالة خاصة؟! أجداده من بَني حِمْيَر؟! أنا مش فاهم يا أستاذ.. أنت عامل مشكلة ليه؟!
أنور عبد المولى: أنا مش عامل مشاكل، أنا اللي هاروح في مشاكل.. ماهو لو بتاعي أنا ماكانش يهمني. أنا جاي أسلمه في مهمة مصلحية: مثبوت في الأوراق الرسمية أنه حمار عادي، اللي بيدهولي جحش! أقوللهم إيه؟!
الضابط: تقوم اللي حصل، وتقول أنك عملت محضر بالواقعة، وآدي نمرة المحضر.
أنور عبد المولى: طب ومين المسئول إذا مارضيوش بقى يستلموه؟!
الضابط: خليه عندك لما يكبر!
أنور عبد المولى: إيه دي؟
أحمد السريع: هه.. دي العربخانة.
أنور عبد المولى: كويسة العربخانة دي؟
أحمد السريع: إلا كويسة؟! دي أوتيل الحيوانات، يعني ممكن تعتبرها كدة أوتيل خمس حمير.