حسين لنادية: عايزين نبيَّض.. البيت بقى كئيب أوي.

فارس: تصدقي يا أمَّة أن الولية صاحبة الشغل عند أحلام، مارضيتش تديها أجازة النهاردة وحاتيجي واحدة صاحبتها تستلم منها!
أم فارس: ما هما صحاب الشغل كده.. بيفتكروا أن الناس اللي بيشتغلوا عندهم، مش بني آدمين زيهم! لا نفسهم يفرحوا، ولا بيجيلهم ظروف.

منصور: بس ابقى ادعيلي يا خفيف.
فراس: أدعيلك؟! هو أنت بينفع معاك دُعا؟!

فارس: باقولك إيه يا أحلام.. هي الناس بتبصلنا قرفانين مننا؟! ولّا طمعانين في الأكل؟
أحلام: يا عم سيبك منهم.. هو احنا بناكل وبنمسح في هدومهم؟! ماتخلِّي اللي يبص يبص.. حانعملهم إيه يعني؟!

حسين: لو كنا حاربنا كان ممكن نعيش؟
إيمان: لو كنا حاربنا كنا أكيد حانعيش. كنا حانتعب، بس كنا حانحس بطعم العيشة..