المرأة الفقيرة: البلدي دي بحرها غريق، وموجها عالي، وشديد.. بحر، تغرق فيه المراكب قبل البني آدمين.

المرأة الفقيرة: زمان، الناس كانت حاجة تانية. عندنا في البلد في الأمثال بيقولوا: "الناس لبعضيها". لكن يظهر أنتم في بلدكم ماعندكوش أمثال خالص!
عزت: الزمن بيجري يا حاجة.
المرأة الفقيرة: لا بيفسَد.

عزت: أحيانًا الجار في السفر بيبقى سخيف.

سلوى: اسمع، إيه رأيك: ماحدش فينا يكدب ع التاني في أي حاجة، سواء كانت مهمة أو تافهة. ماحدش يقول غير الحقيقة، لمدة ساعتين ونص. وبعد ما نوصل، كل واحد حُر.

تحية: فاكر يا عبده، اللوكاندة اللي بيتنا فيها ليلة الدُخلة؟
عبد العزيز: هه هه.. هدوها.

تحية: عب عزيز.. عب عزيز..!
عبد العزيز: نعم؟
تحية: إحنا رايحين فرح، قاعد بتقرا في صفحة الوفيات؟!
عبد العزيز: اللي مش قادر أفهمه: قريبك ده استعجل في الجواز ليه؟! ده لسة صغير!
تحية: صغير إزاي؟! ده عمره 35 سنة.
عبد العزيز: مسكين.. استعجل! بعد سنتين، حايبقى عنده خمسين سنة!