سياسة اسنخدام الكوكيز

أوافق باستمرارك في استخدام موقع الدهليز، فأنت توافق على سياسة الموقع لاستخدام الكوكيز. (عرض سياسة استخدام الكوكيز)

جديد من الدهليز: يمكنك الآن تركيب وجهك على أي ميم في الموقع باستخدام الذكاء الاصطناعي. إبدأ هنا الآن.
موقع الدهليز مجاني بالكامل 100%!
من فيلم نهر الحب
خالد: إيزيس.
نوال: إيزيس؟
خالد: أيوة، اللي بدوَّر عليها من زمان، من قبل التاريخ. إنتي إيزيس، بس متنكرة في ملابس مودرن، وأنا أوزوريس. وده نهر الحب اللي عملته دموعك، ودلوقتي، إيزيس حاترقص مع أوزوريس رقصة الحياة.
أقوال أخرى من نفس الفيلم
نوال: (لنفسها) ومرَّت السنين، وأنا أعيشُ كزوجةٍ لصاحب المعالي، كجزيرة محاصرة بالتقاليد والمظاهر.. بالتصنُّع والتكلف.. نسيت خلالها ابتسامة القلب، وبتُّ لا أعرِف سوى ابتسامة الأسنان والشفاة!
نوال: (تقوم لابنها عندما يحضنها بقوة) حاتخنقني، حاتموِّتني يا هاني.
هاني: هو الحب يموِّت يا ماما؟!
نوال: معلش يا طاهر، غصب عنه.
طاهر: أرجوكي! أنا ماكرهش حاجة في الدنيا أد كلمة "معلش" دي!
نوال: عيبها إيه بقى؟!
طاهر: عيبها أنها بتساعد على عدم الشعور بالخطأ، وبالتالي على عدم الاستعداد لتجنُّب الخطأ!
طاهر: أفتكر إحنا متفقين على أن معاد العشا دايمًا يكون الساعة تمانية بالظبط، رغم كده، حضرتك جيتي من الملاهي متأخرة!
نوال: واستنيتني ليه لما أنت جعان، ماكالتش ليه؟!
طاهر: المسألة مش مسألة جعان أو لأ، دي مسألة مبدأ! نظام معيَّن ارتضينا إننا نعيش عليه إحنا الاتنين، من زمان.
نوال: تقدر تقوللي الساعة كانت كام لما أنا رجعت؟!
طاهر: تمانية وخمسة.
نوال: يعني تمانية!
طاهر: لا يا هانم، أبدأ! دي دقيقة واحدة تفرق كتير! في الحروب، دقيقة واحدة بتقرَّر مصير أمم، بتفرَّق بين الحياة والموت!
نوال: أنت مابتزهقش أبدًا يا طاهر؟!
طاهر: من إيه؟
نوال: من أنك دايمًا معاك حق! من أنك مابتغلطش أبدًا؟! أنا لو مطرحك كنت أتمنى إني أغلط ولو مرة واحدة!
طاهر: يا عزيزتي نوال، الإنسان ممكن يغلط في حالة واحدة بس: لو فكَّر بقلبه.
نوال: يبقى عمرك ما حاتغلط أبدًا.
وصفي لخالد: تعرف، أنا لا حاسمِّي الصورة الجمال النايم ولا الباكي، حاسميها "كسفة".