د. كمال منصور عن شريف: لو يهمك أد كده، خلي بالك منه لحسن يطلع زيك، واللي زيك، خلصوا من زمان!

حاتم: اللي مالوش خير في حاتم، مالوش خير في مصر.

وداد لمدرس التاريخ: بتشرح إزاي من غير خريطة؟! علَّق الخريطة لو سمحت.
مدرس التاريخ: حضرتك دي حصة تاريخ مش جغرافيا.
وداد: ما دي الكارثة! التاريخ عمره ما كان حواديت وبس، التاريخ لما يتغيَّر الجغرافيا كمان بتتغيَّر وبتتقسِّم، زي ما كل حاجة حوالينا دلوقتي بتتغيَّر وبتتقسِّم! ولّا أنت ما عندكش فكرة؟!

نور: "فتىً لو قيسَ البحرُ بعرضِ حَدِّهِ.. لَتَبَدَّى على ماءِ البحورِ نَدَاهُ".

مدرسة زميلة نور: أقولك، اعزميه ع السينما، وأول ما البطل يبوس البطلة، بوسيه.
نور: بيقولوا منعوا البوس في السيما! عايزينها تبقى نضيفة.
مُدَرِّسة زميلة نور: وهي السينما تبقى سينما من غير بوس؟!

ضابط المرور: إنتي بتدخني إيه بالظبط؟!
سيلفيا: طبعًا حشيش.
ضابط المرور: طبعًا حشيش؟!
شريف: آآآ. أنا شريف حافظ وكيل نيابة شبرا، معلش أصل أنا خطيبتي بتحب تهزر.
ضابط المرور: أهلًا يا باشا. اتفضل، مفيش مشكلة. سلام يا باشا.