الأقرع في محل الكتب: حورية بتشتري كتب؟! سبحان مغير الأحوال! دي مَدرسة!

حورية لليلى: سخني الأكل بس خلي بالك م البوتجاز.

أم سيد: هو انتي مرات الـ...-.
عواطف: -.. ياختي.. يسمع من بقك ربنا.. ده يبقى يوم الهنا ويوم السعد.. أهو صحيح صُبُرت ونُلت.

سيد: باقولك إيه؟
صديق الخولي: قول.
سيد: أنا عايز ميتين جنيه الليلة، وهارجعهوملك بعد أسبوع. لازم أعمل عملية للولية حماتي.
صديق الخولي: من غير ما تحكي يا سيد.
سيد: هارجعهوملك يا صديق.. تلاتة بالله العظيم..-.
صديق: ..- يمين على يمينك أنا ماحتكم غير ع الخمسين جنيه دول: إيراد النهار كله والليل. هاخد منهم عشرين جنيه أجيب بنزين للعربية ولقمتين للعيال. وخُد أنت الباقي. سلامو عليكو.
سيد: مع السلامة.
صديق: باقولك إيه: إبقى حاسِب بقى ع القهوة وحجرين البوري. سلام.

بائع: الكيت كات يا أسطى؟ الكيت كات؟
سيد (يسأل عن البضاعة معه): إيه ده؟
البائع: أهو رزق الهُبل.

سيد: سبحان الله!
حورية: مهيَّصين على إيه بس؟! بيجيبوا راحة البال منين؟!
سيد: حد لاقي دلع ومايتدلعش؟! صباح الخير، اغرفي.. مساء الخير، سَقِّي!
حورية: ياعيني علينا!
سيد: إللي زينا، ينزل يشتغل ويطلع عين اللي خلِّفوه على ما يجيب الجنيه!
حورية: وياريته بيروَّح بيه!